أحلى نهفة بانتخابات الإدارة المحلية تبع اول امبارح أنه القضاء هو اللي كان مشرف عليها!!!
على أساس شو؟؟؟ إنه هدا ممكن يعطيها شوية مصداقية!!! من وجهة نظر النظام طبعا !!!
وأكيد هدا مخصص للتصدير حصرا مو للاستهلاك المحلي أبدا
لإنه على مستوى الداخل – حارتنا ضيقة ومنعرف بعضنا- مين يعني عنده أي ذرة ثقة بالقضاء الأسدي؟! بالأخص بعد أربعين سنة من الإفساد اللي استهدفت هدا القطاع بالدرجة الاولى.. وطبق عليه نظام التبعيث أول شي.. ونقوا القضاة على الصينية متل ما بيقولوا.. وفتحوا لهم ابواب الفساد على آخره.. واعطاهم حصانات وضمانات من المحاسبة..
وشو بدهم ضمانة أكبر من انه يكون أكبر حرامي بالبلد رئيس مجلس القضاء الأعلى!!!
قال شو؟؟ إشراف القضاء.. هدا قضاء وقدر كمان!!! (ولا ينجي حذر من قدر)
هلق على الشعب السوري يا فرعون!!!
نحن ضايقين المغراية وعارفين شو الحكاية، ومنعرف أنه القضاء بسورية هو افسد وانجس قطاع بكل البلد.. وهو بيتحمل نصيب كبير من اللي نحن فيه.. ولو كان عنده بس حد ادنى من الشرف والنزاهة أوالمسؤولية ما وصلنا لهالمواصيل من الانحطاط والفساد..
وما رح نحكي عن باقي الشغلات بالمرة، لإنها كانت مسرحية فاشلة.. فشل ذريع، ومخرجها فاشل والممثلين فاشلين .. وحتى الجمهور فاشل.. وسمجة، مقرفة وممقتة.. لدرجة أنه أي حكي عنها بسبب لي غثيان.. وغازات..
ومتل ما كان يقول المقبور القذافي (...) وهي الكلمة اللي ورتها ابنه.. لإنه الحمار شو بيخلف يا حزركم؟؟
اسألوا أهل حمص إن كنتم لا تعلمون
ليست هناك تعليقات:
إرسال تعليق