12‏/12‏/2011

نكات حمصية بنكهة الثورة

نكتة حمصية 1
ليش قناة الجزيرة مباشر رح تتسبب بفشل الثورة السورية؟؟؟
؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟
لإنه لما صارت تبث المظاهرات من سورية تصوير مباشر
صاروا الحماصنة وقت المظاهرة يرحوا عالبيت ليشوفوا حالهم عالتلفزيون بالمظاهرة

نكتة حمصية 2
بشار الأسد اتصل على نتنياهو وقال له: انت عارف انه أمنكم من أمن نظامنا.. مشان هيك بدنا همتكم معنا بدنا دعم منيح والا الامور ما عاد فيها مزح
قال له: لعيونك ابو البيش.. بس انت بتعرف نحن ما عندنا شي ببلاش.. فشو بدك تعطينا لندعمكم؟
قال له: تكرم عيونك رح اعطيكم الجولان
رد عليه: طلاع من هالبواب.. الجولان اعطانا اياها ابوك.. ونحن ما قصرنا معه
قال له: طيب لا تزعل، رح أعطيكم حمص
رد عليه نتنياهو: يخرب بيتك شو نجس

نكتة حمصية 3
بشار من يأسه قعد يكلكش بأغراض ابوه القديمة.. لاقى فانوس عتيق اول ما لمسه طلع له مارد عملاق
نط بشار من الفرح وقال: فرجت.. إجيت بوقتك
قال له المارد: شوف قبل ما ياخدك الحال.. انا بقدر نفذ لك اي طلب بدك اياه عدا تلات شغلات لا تفكر فيها ابدا
اول شي: لا تطلب مني اني جلسلك رقبتك، لإنه هي خلقة الله وانا ما بقدر غيرها
تاني شي: حرف السين عندك ما بقدر صلحه
تالت شي: نظامك ساقط.. ساقط.. لا تحاول
الولد غشي من البكي.. ورمى الفانوس كسره

نكتة حمصية 4
لما حافظ لاقى حاله في النزع الأخير من حياته طلب أنه الكل يطلعوا لبرى وبس يفوت من اولاده اللي اسمهم بيبدئ بحرف الباء.. لحتى يعطيهم وصيته الأخيرة..
ولما الكل طلعوا لبرى.. ركد ماهر ودفش الكل لورا وفات لحاله وسكر وراه الباب
عصب حافظ وقال له: أنا قلت بس اللي بيبدى اسمهم بحرف الباء.. يا بغل
جاوبه: هيك قلتها بلسانك يا بيي


نكتة حمصية 5
الحماصنة كتبوا على حمار –اجلكم الله – بشار الأسد وفلتوه بالشوارع
زعيم الشبيحة عرف بالموضوع.. قال لجماعته: معكم ساعتين بالضبط إذا ما بتجيبوا لي هالحمار لحطكم بزريبة متل الحمير.. فاهمين
راحوا الشبيحة ركيد.. كل ما شافوا حمصي يسألوه: شفت لنا شي حمار؟؟
يرد عليهم: اللي مكتوب عليه بشار الأسد؟؟
يقولوا له: إيه.. يقول لهم: راح هيك..
التاني يقول لهم: بالاتجاه المعاكس..
قضوا لهم ساعة ونص ركيد انقطع نفسهم.. أذكى واحد فيهم اقترح يروحوا على سوق الحمير يجيبوا أي حمار ويكتبوا عليه بشار الأسد وياخدوه للمعلم تبعهم.. والكل وافق ونفذوا الخطة عالسريع
صاروا كل ما مروا من جنب حمصي يقول: نحن بحمار واحد ما كنا مخلصين


نكتة حمصية 6
سقط نظام بشار.. والله وقعه بإيدين الحماصنة.. اللي خطفوه لحمص.. وعقدوا له مجلس حمصي طارئ بساحة الساعة الجديدة.. وبنتيجة المشاورات حكموا عليه بالإعدام.. واعطوه أربع خيارات
الإعدام بالمشنقة 2- الإعدام بالكهربا 3- الإعدام بالخازوق 4- الإعدام بالغاز
قال لهم: ممكن احذف إجابتين..
الكمبيوتر الحمصي حذف له (المشنقة والكهربا)
قال لحاله: ممكن استعين بصديق!! بس بعد سقوط الكرسي ما فيه صديق!! إيه.. إذا باتصل على خامنئي ذاته ما بقى يتعرف علي
وإذا بدي استعين بالجمهور أكيد رح يختاروا لي الخازوق
رد عليهم: الرابع.. الغاز
متأكد؟؟!
متأكد
جواب نهائي؟؟؟
جواب نهائي
أخدوه على غرفة الإعدام بالغاز.. وهي غرفة متر ونص بمتر ونص وارتفاعها أكتر من عشر أمتار.. وقفلوا الباب
لما فاق بشار من الصدمة اتطلع لفوق، لاقى الغرفة بلا سقف.. ولاقى على الزاوية في سلم  واصل لفوق..
قال خليهم يضخوا غاز ليشبعوا.. الحمد لله اللي وقعني بإيدين الحماثنة الهبلان.. وما وقعني بإيدين الحموية..
وطلع على السلم ركيد بأقصى سرعة..
لما وصل لنص الإرتفاع، اتطلع لفوق مرة تانيةذ..
شاف واحد حمصي رافع بإيدتينو جرة غاز.. و جاهز على شد الزناد


نكتة حمصية 7
واحد حمصي اسمه زكي قال لرفيقه: بتعرف إني اكتشفت هلق أنه هالنظام كتير بيهتم بالمواطنين ومشاكلهم أكتر من أي دولة أوربية
قال له: وشلون اكتشفت هدا يا زكي
جاوبه: من شي ست اشهر كنت مع الأولاد بزردة هيك حوالي حمص.. ولما رجعنا اكتشفت إني ضيعت خمسة آلاف ليرة
قال له: إيه وشو ساويت؟؟
رحت عالمخفر وساويت ضبط شرطة
إيه شو طلع منها؟؟
بالحقيقة الشرطي سألني، وين كنتوا بالضبط؟.. قلت له: والله ما عدت متذكر بس هيك حوالي حمص.. كان يوم أربعا!! شو ساوي كنت مضيع شوي
وشو ساوى؟؟
فرط من الضحك
يعني طنشك
أنا هيك فكرت كمان، بس الله وكيلك  من كم يوم لاقيتهم صاروا حافرين خندق حوالي حمص كلها وهمة عم يدوروا على فلوسي

نكتة حمصية 8
قابلة عفت سألت مرسي الزناتي الحمصي: شو هو المنطق؟؟
قال لها: بصراحة وبلا لف ودوران ما بعرف..
قالت له: شغلة بسيطة.. وقت بيكون عندنا مقدمة منطقية بيطلع عنها نتيجة منطقية.. بتكون النتيجة صادقة أو كاذبة، ولا حل ثالث بينهما.. فهمت
قال لها: أكيد
قالت له:  طيب.. اعطيني مثال
قال لها: إذا كان عنا حمصي، بيكون إما حمصي عامل أو حمصي نصير ولا حل ثالث بينهما.. يا مينز

نكتة حمصية 9
واحد حمصي لاقى الفانوس السحري.. وأول ما طلع له المارد قال له: دخيل رجليك بدي قنينة غاز بأقصى سرعة..
قال له: حاضر..
وراح المارد غط ست سبع ساعات..
الحمصي استعوقه.. وجاب الفانوس ونزل فيه فرك
إجى المارد عم يسبسب ويبربر.. وصرخ بوجه: هيك بتطلعني من الدور

نكتة حمصية 10
هي صابتها قذيفة روحتها شقف.. ونتف..
هه.. هه.. هه..
..................
..................
.................
بس من النتف اللي اقدرنا ننقذها.. لاقينا  خمس ليرات ورقية خضرا.. عليها توقيع بندر بن سلطان..
ولاقينا بقايا  محترقة لرسالة تحريضية من النائب سعد الحريري
وساعة جيب فضية أم سلسلة ماركة "أوميغا" منقوش عليها إهدء من أمير بانياس الإسلامية.. إلى أمير إمارة حمص الجهادية.. بمناسبة زفاف ابنته لابن أمير حماة السلفية
ولاقينا  كم شغلة هيك.. من بينهم دبوس منقوش عليه لبشار

نكتة شامية 1
واحد شامي راح عند طبيب الاسنان
قال له: عندك ضرص منخور لازمه تصليح، فشو بدك تلبيسة والا جسر؟؟
جاوبه: لاء دخيلك خليها حلب

نكتة شامية 2
شو وجه الشبه بين وكالة سانا ووكالة ناسا
؟؟؟؟؟؟؟؟؟؟؟
؟؟؟؟؟؟؟؟؟؟؟
؟؟؟؟؟؟؟؟؟؟؟
؟؟؟؟؟؟؟؟؟؟؟
الاتنين اختصاصهم بالفضاء الخارجي

نكتة شامية 3
شو الفرق بين مصر في عصر مبارك وسورية في عصر بشار؟؟؟
؟؟؟؟؟
؟؟؟؟؟
؟؟؟؟؟
؟؟؟؟؟
؟؟؟؟؟
؟؟؟؟؟
 بمصر كان في جهاز امن الدولة، وبسورية في دولة جهاز الأمن

نكتة شامية 4
واحد مندس اتجوز وحدة مندسة  شو خلفوا ؟!
؟؟؟؟؟
؟؟؟؟؟
؟؟؟؟؟
؟؟؟؟؟
شاهد عيان
نكتة شامية 5
اجى الامن والشبيحة بسرعة ليفرقوا الاعتصام اللي صار بساحة من الساحات الرئيسية
شافوا واحد قاعد ومتصدر الاعتصام صرخوا فيه انقلع من هون بسرعة لما نرشك
قال لهم: ليش بدكم تشطفوا الساحة يعني

نكتة شامية 6
بشار الأسد شاف ابوه بمنامه قبل 15 آذار وقال له يا بابا أنا حاسس إنه الشعب عم يغلي من جوا وخايف إنهم يساووا لهم ثورة او مظاهرة..
قال له: لا تخاف أنا عاطيهم كل التطعيمات، الجرعات الأساسية والجرعات الداعمة ومتقل لهم العيار كمان
بعد كم يوم شافه بمنامه مرة تانية، وقال له: شفت يا بابا المظاهرات بدت شو نساوي
قال له: اول شي اعدم لي وزير الصحة اللي جايب لنا تطعيمات فاسدة



ليست هناك تعليقات:

إرسال تعليق