شفتو يا شباب قلنا لكم انه هالتظاهرات والحركات بدها تضعف الشعور القومي وتزعزع نفسية الأمة.. والله اعلم لسى شو بدها تساوي فينا وبالبلد!!
فبقى يا شباب لفولنا ياها برمة الله يرضى عليكم وتعوا نقعد عالمصطبة ومناخد ومنعطي يعني حوار وطني شامل
صحيح نحن ضربناكم وبهدلناكم ولعننا ابو سلسفيكم.. بس هدا كله لمصلحة الوطن ولمصلحتكم انتو بس مانكوم عارفين هالفوضى شو بتساوي بالشعب والأمة.. لك هي بتدمرنا إذا مو عارفين
قلنا لكم انه هدا بيضعف الشعور القومي، يعني مثلا شوفوا شلون هالمظاهرات اثرت عالشعور القومي للمهندس الوطني رامي- اللي انقذ الاقصاد والربع ليرة - وخلته يطلع عن طوره بلحظة ضعف شعور قومي ويقول تصريحات مو حلوة بحقنا كله بسبب المظاهرات.. مين بيتحمل مسؤوليتها؟
شوفتوا كمان شو ساويت بفناننا الكبير طوشة بإالله طوشتوه من ورا مظاهراتكم ونقفلوا كم تصريح بيطوشوا اللي بحياته ما كان طوشة كل هدا بسب مين ؟؟ كله بسبب الطوشة تبع مظاهراتكم
شوفتوا شو ساويتوا بأهل البيضة ورطوهم وخليتوا الشبيحة يطلع خلقهم ولما يطلع خلقهم بينزل شعورهم الوطني وهلق وصل للحضيض كل هدا بسببكم بسبب الفوضى
شفتوا شو ساويتوا بالجيش الوطني اللي كان عم يحمي الحدود!! ايه حيرتو اللي اخترعوا وهو عم يلاحق لكم المندسين من مدينة لمدينة ومن محافظة لحافظة.. كله مشان يحمي مظاهراتكم.. بس بسبب الفوضى والاندساس نزعتولنا برمجته وهلق بقى شلون بدنا نرجعوا عالجبهة بعد ما تعودوا عالفية والمية و.. وسواقة الدبابات عالزفت.. يعني انا بحملكم المسؤولية التاريخية لتأخير تحرير الاراضي المحتلة
ولسى شو شفتوا لتشوفوا.. بلاوي كتير من ورا هالمظاهرات والفوضى
خلصنا بقىى.. هي قلت لكم كل اللي عندي.. وهلق فرجوني عرض كتافكم وانقلعوا كل واحد ع بيته.. ابدي شوف حدى بالشارع واللي بشوفه لسى ما مقتنع بقلع عيونه التنين.. يالله قبوا من وجي بسرعة
والشهر الجاي بتجوا عالمصطبة متل الكلا.. متل الاوادم.. والشغلة عرضية ومحلولة
بس الشغلة بدها شوية وقت لتاخد حبوب الهلو.. حبوب الاصلاح مفعولها وبس تاخد مفعولها بتلاقوا حالكم ارتحتوا وريحتوا
جحا الدمشقي
ليست هناك تعليقات:
إرسال تعليق