نكتة مشرشحجية 1
قال المشرشح لمجلس الشعب: أعتقد أن الشعب السوري سوف يعيش في رخاء بعد الانتخابات
احد الحضور: الجملة صحيحة.. بس فيه كلمة بدها إعادة ترتيب حروف
نكتة مشرشحجية 2
واحد حمصي رفع دعوى على كل المشرشحين لمجلس الشعب بتهمة التزوير
القاض قال له: كلهم يعني تخنتها
الحمصي قال له: عندي دليل قاطع
القاضي: هات لشوف
الحمصي: ما قرأت بالشروط أنه المشرشح لازم يكون متبرع بالدم!!!
نكتة مشرشحجية 3
المشرشح الاول: الاقبال كان كبير
المشرشح التاني: الإقبال كان فظيع
المشرشح التالت: الحماس كان منقطع النظير
المشرشح الرابع: المشاركة كانت شاملة
....
المرشح الأخير: إيه والله.. تكسرت جنابنا وما ضل محل نقول آآخ من كتر المشاركة
نكتة مشرشحجية 4
مواطن طفران عايف التنكة.. قال لنروح نشوف المشرشح تبع دائرتنا بركي..
وصل عالمضافة.. ما لاقى غير المشرشح لحاله قاعد بالزاوية
بعد السلام والتأهيل والترحيب والذي منه
سأله المواطن: شو بتشتغل حضرتك بلا صغرى؟؟
قال له: فنان تشكيلي
قال له: أنا جايي أشكيلك..
نكتة مشرشحجية 5
واحد مشرشح حاله لمجلس الشعب وحاطط لحاله صورة كبيرة و كاتب تحتها " العين بصيرة والإيد قصيرة"
مارق واحد حمصي.. كتب له: العين تطرقك
نكتة مشرشجية 6
قناة الآخرة حفيت رجليها بحمص أن تلاقي واحد يحكي له كلمة منيحة مشان مجلس الشعب الجديد..
بالآخر لاقوا واحد فلتة.. سألوه: شو رأيك بمجلس الشعب الجديد؟؟
قال لهم: بيستاهل ضمة
قالوا له: مستعد تحكي هالجملة عالهوى
قال لهم: ليش لاء.. بحكي وأكتر
شغلوا البث المباشر وسألوه نفس السؤال
جاوبهم: بده ضمة......... فوق الشين وفتحة فوق العين
نكتة مشرشحجية 7
واحد مشرشح حاله.. وحاطط صورة كبيرة لحاله هو لابس طربوش أحمر.. ليش؟؟!!
ج: أصله آغا أو باشا..................... غلط
ج: نكايا بتركيا وأردوغان............... غلط
ج: شيوعي رجعي ..................... غلط
ج: مشان يتميز "نيو ستايل"............. غلط
ج: بيحب اللون الأحمر.................. غلط
........................................... غلط
عجزنا
ليعرف راسه من رجليه
نكتة مشرشحجية 8
واحد مشرشح حاطط شعاره جبن لافاش كيري ليش؟؟!!
ج: كتير متفائل بالحياة ...................................... غلط
ج: لحتى ما حدى يطلب منه شي بده شجاعة............... غلط
ج: نكايا بسركوزي ........................................ غلط
ج: ليقول الشغلة مقسمة عالقد............................... غلط
ج: عم يقول حطوا خبزاتكم ع جبناتنا ..................... غلط
................................................................ غلط
لإنه مسكين مو حمصي
نكتة مشرشحجية
تقسيمة مجلس الشعب الجديد حسب الدستور
45% للشبيحة
55/% للنبيحة
نكتة مشرشجية 10
واحد مشرشح حاله وما فيه غيره بالدائرة
نجح التاني!!!
تت.. ترا را را.. تتا
ودقي يا مزيكا.. ورقصني يا جدع
الجلسة الأولى برعاية فرقة حسب الله للدبكة والرقصات الشعبية ونقابة الطابلين..
@ @ @ @
نكتة 1
واحد كتب عالحيط بشار الأسد جحش
اعتقلوه الأمن بعد كم ساعة.. بس شو كانت التهمة؟؟
؟؟
؟؟
؟؟
؟؟
إفشاء أسرار الدولة
نكتة 2
الضابط قال للجندي: لما يمر الرئيس بشار.. بتضرب واحد وعشرين طلقة.. فهمت
قال له: وإذا جبته من اول طلقة
نكتة 3
بشار مشترك بمسابقة.. إجاه سؤال: أكمل بيت الشعر الذي يقول: إذا الشعب يوما أراد الحياة...
جاوب: لإلعن أبوه وأبو اللي جابوه
"يلعن روحك يا حافظ ع الجحش اللي خلفته"
نكتة 4
جندي عالحاجز راكد ركيد لعند معلمه قال له: معلم فيه جماعة جايين صوبنا.. وما قدرنا نعرفهم مين، وشكلهم من الجيش الحر معلم
قال له: قوصوا فوقهم بالهوى.. إذا هربوا ما بيكونوا من الجيش الحر
طيب: وإذا ما هربوا شو نساوي
خبرني بسرعة يا جحش.. لنهرب نحن
نكتة 5
واحد حمصي نزل عالسوق ليجيب شوية أغراض لمرته
لاقى كل شي نار والعة
عمل لايك لكل الأغراض و رجع إيديه فاضية
نكتة 6
كان العالم كله يتذوق حلاوة الجبن من حمص
والآن حمص تتذوق مرارة الجبن من العالم كله
نكتة 7
سألوا واحد حمصي شو حكمتك بهالحياة؟؟
قال لهم: ليس المهم أن تصل متأخرا!!
!!
المهم
!!
!!
أنه تنفد من القناصين
ليست هناك تعليقات:
إرسال تعليق