اضحك مع النبيحة والشبيحة

مقدمة

بني نظام الأسد على ثلاث الشبيحيه والنبيحه وأولاد...

المتظاهر النبيح من بطن أمه بيصيح

النظام اللي بيجيك منه الشبيح.. اسقطه واستريح

نكتة نبيحية 1

النبيحة لموهم بسرعة وحطوهم بباصات وقال لهم رايحين على جنازة ضابط من الجيش قتلوه الإرهابين.. ليشاركوا بالواجب

بدت الجنازة واللي قدام بدوه يهتفوا بالروح بالدم نفديك ياشهيد.. والنبيحة من ورا عم يردوا بالروح بالدم نفديك يا شاهين (مفكرين اسمه شاهين)

نكتة تنبيحية 2

واحد نبيح أخرس.. طالع بمسيرة تأييد.. والشباب الطيبة عم يهتفوا: (الله.. سورية.. بشار وبس) فلما يقولوا الله يأشر بإدوه لفوق.. سورية يأشر لتحت.. بشار يمط رقبته لفوق.. وبس يعمل أفلة المايسترو بإديه

نكتة تنبيحة 3

نفس المتظاهر الأخرس طالع بمسيرة تانية عم يهتفوا (أبو حافظ.. أبو حافظ) وهو عم يأشر أول شي على راسه بعدين عم بيساوي إيده على شكل كتاب بعدين عم بيكتب بإصبعته بالهوا عشرة على عشرة (طالع تحفة.. الله يخليكم اللي بيعرف بالغرافيك يسوي لنا إياها فيلم كرتون قصير ويبعت لي إياها على إيميلي  juhadamas@gmail.com )

نتكتة تنبيحية 4

طلعت مظاهرة بباب السباع بحمص فلموا لهم أربع خمس باصات نبيحة بالأجار ليشوشوا على المظاهرة.. والحقيقة إنه الشباب اشتغلوا تمام.. ما لحقوا يخلصوا سمعوا أنه في مظاهرة بباب الدريب فحطوهم بالباصات ودغري لهنيك وقاموا بالواجب كانت بدت مظاهرة باباعمرو الشباب دبروا حالهم.. اجاهم خبر عاجل انه الخالدية طلعت كلها.. دكوهم بالباصات ودغري عالخالدية

نزلوا النبيحة ومشوا مسيرة صامتة.. إجى المعلم وصرخ فيهم ما تهتفوا ولاك حمار إنت وإياه.. فبدوا يهتفوا: يرجى إعادة تعبئة رصيدك.. (الوحدات خلصت)

نكتة تنبيحية 5

اخدوا مجموعة من النبيحة ليعملوا مظاهرة ضد وعد بلفور ليبعدوا الإشاعات اللي معبية البلد.. بدت المظاهرة والهتيف عم يقول: فليسقط وعد بلفور وعم يمطها والنبيحة ورا عم يردوا: فليسقط واحد من فوق.. وما حدى قدر يسكتهم.. لحد ما استعانوا بفرقة من الشبيحة

نكتة تنبيحية 6

جمعوا نبيحة حلب وقالوا لهم: بدنا نساوي مسيرة مطنطنة على كيفكم

سألوهم: شو بدنا نهتف طيب

قالوا لهم: انتو لاقوا لكم هتاف فني.. ويكون ضد هالهتافات اللي عم يقولوها المتظاهرين

بدوا النبيحة: (أبو حافظ أبوس روحك.. أبو حافظ أبوس روحك.. داوي جيوبي أبوس روحك)

نكتة تنبيحية 7 (زعيم النبيحة)

مرة مفتش طالع على صف اول ابتدائي بحمص.. فسألهم: مين بيعرف اللي بيكذب الله لوين بياخدوه؟؟

كل الطلاب رفعوا ايدهم بس فيه ولد رافع الإيدتين وعم يصرخ: أنا أستاذ.. أنا أستاذ ومتحمس

المفتش قاله تفضل حبيبي  قلنا: (اللي بيكذب الله وين بياخدوه)

جاوبه: على قناة الدنيا أستاذ

نكتة تنبيحية 8  (رؤوس النبيحة)

قالوا : اللي بيصلع من قدام هدا بيكون ذكي

واللي بيصلع من ورا.. هدا بيكون بيفكر

أما اللي بيصلع من قدام ومن ورا متل النبيحة (شريف شحادة، أحمد الحاج علي، أحمد صوان..) فهدا بيكون؟؟

؟؟؟

؟؟؟

؟؟؟

بيفكر حاله ذكي

نكتة تشبيحية 1  (كبار الشبيحة)

مرة بشار وماهر طالعين من سهرة عامرة أخر الليل.. ماهر قال لبشار: دوس فرام رح تفوتنا بالحيط.. جاوبه بعصبية: إنت اللي سايق هلق.. دوس فرام بسرعة.. دوس..

قال له: ما بعرف ليكون آصف

نكتة تشبيحية 2  (الشبيح المالي)

عندما قرر الشبيح رامي مخلوف التبرع بأملاكه لأعمال البر والخير..

سأله أحد الصحفيين: ماذا ترك لأهلك يا أبا الريم؟؟؟

قال له: الله.. سورية.. بشار وبس

نكتة تشبيحية 3

واحد من الشبيحة وشم على إيدوه نجمة سداسية زرقا

واحد من العواينية طق له برغي دغري

استدعاه المعلم تبعه، وقال له: ليش هيك راسم على إيدك ولاه؟؟

قال له: سيدي هي خطة.. مشان إذا الإسرائليين هجموا علينا باندس بينهم بيفكروني منهم.. بعدين بشركهم..

قال له: ولك يا حمار.. وإذا نحن هجمنا عليهم !!!

جاوبه: إيه بقص إيدي.. من هون

نكتة تشبيحية 4

حاجز مشترك للأمن مع الشبيحة وقفوا شبيب حمصي

سأله زعيمهم بلهجة عنجهية: انت مندس شي؟

جاوبوا بسرعة: مندس نصير

نكتة تشبيحية 5

مجموعة من الشبيحة كمشوا كم واحد من المندسين وقعدوا يعذبوهم ويمرمطوا فيهم الأرض

واحد من المندسين قال لهم: حرام عليكم أنا معي ماجستير

رد عليه زعيم الشبيحة: ان شا الله يكون معك الكوليرا ما رح نعفيك

نكتة تشبيحية 6      
واحد شبيح قرر يتوب.. ولإنه قراراته سريعة دغري قام يصلي حتى بدون وضو
هو وعم يصلي وقفت قدامه قطة
راح شايط القطة برجله من كل عزمه
لما خلص رفيقه قال له: ليش هيك ضربت البسينة مو حرام عليك؟
جاوبه: أنا لما كون عم صلي (الله ما بعرفه)

نكتة  تشبيحية 7

زعيم الشبيحة حس بالملل فسأل جماعته واحد واحد مين بيعرف يلعب شطرنج؟ ما لاقى حدى

قلهم: كلكم هبلان.. روحوا شوفوا لي حدى من المعتقلين اللي عندكم يكون بيعرف يلعب شطرنج جاي على بالي ألعب دق حامي يشغل المخ.. يرح يصدي من قلة التشغيل

راحوا غطوا لهم نص ساعة.. إجوا بعدها شاحطين واحد شحط

لما شافهم هيك صرخ فيهم: اتركوه يا حيوانات..

سأله بصوت مهذب: حبيب بتعرف تلعب شطرنج منيح؟

جاوبه: طبعا بعرف

قال له: بتلاعبني

قال له: إذا بدك نلعب.. بدنا نشلح الرتب.. والشغلة ما بدها زعل وتعصيب

قاله له: لاه يا زلمة.. عيب.. نحن بعد الحوار الوطني صرنا ديمقراطين.. وروحنا رياضية كمان

قال له: طيب خليهم يفكوني طيب

صرخ فيه: فكوه بسرعة يا كلاب.. وجيبوا لي الشطرنج بسرعة

بدوا لعب.. وبعد شوية المعتقل قال له: هي قتلت لك جندي.. وهي جندي.. هي قتلت لك الحصان.. هي قتلت لك الفيل..

قاله الشبيح: أنا رايح شوية عندي مكالمة عائلية ضرورية.. لا تحرك شي

غاب شي خمس دقائق واجى.. قال له: اصحى تكون حركت شي

قال له: لا والله.. بس هي طيرت لك القلعة

قال له: وأنا حرقت لك البيت والسيارة

نكتة تشبيحية 8

الشبيحة وقفوا شبيب حمصي ابو 13- 14 سنة.. قالوا له: اكيد انك كنت بالمظاهرة مو هيك؟؟

قال لهم: لاء كنت عم اتمشى بالدبلان

فقعدوا يتمسخروا عليه، وقالوا له بدك تغني لنا غنية او موال لنشوف صوتك مبحوح ولا لاء؟؟

رد عليهم حاضر بغني لكم.. بس إذا بدي أنا غني.. إنتو بدكم تدبكوا.. بتعرفوا ولا شو؟؟

قالوا له: عيب إنت اطلع وشوف

قال لهم: يالله حطوا السلاح ونزلوا على الساحة إيد بإيد لشوف.. وغنى لهم وصلة (يا درعا نحن معاك للموت.. يا حماة نحن معاك للموت..) والشباب نازلين دبك

ولما خلص قالوا له: الله معك.. صوتك ما إشبوه شي

نكتة تشبيحية 9

واحد شبيح اتزوج وحدة شبيحة

جابوا بنت !!!

شو سموها؟؟؟

...............

...............

...............

فتنة....طائفية

نكتة تشبيحية 10

اربعة شبيحة أخوة سطو على بيت قديم وسرقوا كل الاغراض اللي فيه

قعدوا يقسموا الاغراض لاقوا مصباح عتيق اول ما لمسه طلع لهم المارد

قال لهم: كل واحد منكم بيطلع له امنية وحدة نفذ له اياها شو ما كانت

الأربعة تشاوروا.. واتفقوا كل واحد يطلب طلب للأربعة وبعدين يقسموا

الأول: طلب من المارد يبني له اربع قصور من قصور الف ليلة وليلة

قالوا المارد: صار.. خلال عشر دقايق بيكونوا جاهزين على كيفك

الثاني: طلب منه مية سبيكة دهب واربعين مليون دولار..قال له: صار

الثالث: طلب يجيب له اربع نسوان كل واحدة متل القمر.. قاله: صار

الرابع قال للمارد: بدي ترجع لي الوضع لما كان عليه قبل 15 آذار

المارد بثواني دمر القصور واخفى الدهب والمصاري والنسوان

الأربعة هاجوا على المارد.. وقالوا له: شو ساويت!!؟

قال لهم: والله هدا الشي الوحيد اللي بقدر رجعوا لما قبل 15 اذار

نكتة تشبيحية 11

مجموعة من الشبيحة كمشوا مجموعة من المندسين وقعدوا يعذبوهم ويمرمطوا فيهم الأرض

واحد منهم – يظهر انه طبيب - قال لهم: حرام عليكم أنا معي بورد أمريكي

قال له: زعيمهم: يكون معك حصبة ألمانية ولا حمة مالطية.. ما رح نعفيك

نكتة تشبيحية 12

واحد من الشبيحة من كم شهر اجى يتمسخر على ختيارة حورانية.. قال لها: شو يا حجة لسى بدكم حرية!!

قالت له: لاء..أعوذ بالله... بدنا إسقاط النظام

من كم يوم شبيح تاني إجى يتمسخر على ختيارة حمصية.. قال لها: لسى بدكم إسقاط النظام!!!

قالت له: لاء يا ماما... بدنا محاكمة النظام

نكتة تشبيحية 13

واحد شبيح شاف أبوه بنومه.. قال له: ما كنت على طول تقول لي: بحياتك ما بتصير بني آدم

هي شوفني صرت قائد مجموعة

قال  له: بس بحياتك ما رح تصير بني آدم

نكتة تشبيحية 14

الشبيحة مرض واحد منهم واصفر ووقع مغمى عليه.. ركدوا فيه لعند اقرب دكتور لاقوه..

فحصه الدكتور وهمة محاوطينه.. كتب لهم دوا.. وقالهم بتخضوا منيح بعدين بتعطوا اياه..

بعد شوية راجعين بدهم يقتلوا الدكتور.. وصرخوا فيه: مات ونحن عم نخضوا لسى

نكتة تشبيحية 15

الحماصنة كتبوا على حمار –اجلكم الله – بشار الأسد وفلته بالشوارع

زعيم الشبيحة عرف بالموضوع.. قال لجماعته: معك ساعتين بالضبط إذا ما بتجيبوا لي هالحمار لحطكم بزريبة متل الحمير.. فاهمين

راحوا الشبيحة ركيد.. كل ما شافوا حمصي يسألوه: شفت لنا شي حمار؟؟

يرد عليهم: اللي مكتوب عليه بشار الأسد؟؟

يقولوا له: إيه.. يقول لهم: راح هيك..

التاني يقول لهم: بالاتجاه المعاكس..

قضوا لهم ساعة ونص ركيد انقطع نفسهم.. أذكى واحد فيهم اقترح يروحوا على سوق الحمير يجيبوا أي حمار ويكتبوا عليه بشار الأسد وياخدوه للمعلم تبعهم.. والكل وافق ونفذوا الخطة عالسريع

صاروا كل ما مروا من جنب حمصي يقول: نحن بحمار واحد ما كنا مخلصين

نكتة تشبيحية 16

كان يا ما كان في قديم الزمان كان فيه ملك شبيح.. وكل واحد كان يعارض حكمه او يعترض على اي قرار من قراراته.. او يحكي له شي كلمة بالغلط دوغري يعدمه على الخازوق بالساحة العامة اللي كل الناس صارت تعرفها باسم ساحة الخازوق
وبيوم من الأيام  يا سادة يا كرام: الناس فقعت معها وطلعوا بمظاهرات احتجاج كل يوم جمعة بعد الصلاة.. وبعدين صارت كل يوم بالليل 
الملك قرر بعد اجتماع مع المستشارين والمستشارة انه يساوي تغير كبير بنظام الحكم لانه اللي كان عم بيصير ظلم كبير.. مشان هيك قرر يعطي الشعب حقوقه بالاخص حق الاختيار.. يعني مثلا اللي بده يعارض من اليوم رايح صار من حقه يختار الخازوق اللي بينعدم عليه وقرر انه يحط بساحة الخازوق مجموعة من الخوازيق من مختلف الاحجام والانواع لتكون حرية الاختيار مكفولة وإلها معنى

نكتة تشبيحية 17

ماهر الأسد إجى يوم القيامة للحساب.. فكان حكمه أنه ينزلوه على الطابق -70 في نار جهنم

شحطوه سدنة النار وحطوه بالأصنصير ونزلوا فيه

بالطابق – 10 لاقى الحرمية والسرسرية

بالطابق – 20 لاقى قطاع الطرق والحشاشة

بالطابق – 30 لاقى الشبيحة وقتالين القتلى

بالطابق – 40 لاقى اللوطين والمشركين

بالطابق – 50 لاقى الكفار وقتلة الأنبياء

بالطابق – 60 ما لاقى غير زلمة واحد أول ما انفتح الباب راح منادي عليه لوين رايح؟؟

قال له ماهر: عالطابق – 70

قال له: يخرب بيتك شو مساوي إنت؟؟ إذا أنا أبو لهب هون

نكتة تشبيحية 18

الشبيحة مساوين إضراب ومظاهرة احتجاج.. وجايبين شوية نبيحة يهتفوا كمان

المعلم قال لهم: اختاروا واحد يحكي باسمكم لنشوف شو وجعكم

الشباب اختاروا واحد على كيفكم وطلع عند المعلم وقال له:

شوف معلم: عم تطلعونا بالشمس بالساعات لنستنى المتظاهرين.. ما حكينا شي

عم تنقلونا من محافظة لمحافظة.. من درعا لإدلب.. من بانياس لدير الزور ما حكينا شي

بعتونا عالجامعة نحضر محاضرات مع الطلاب.. ما حكينا شي

شغلتونا زبالين.. وشحادين.. وبياعين مشاط وصرامي.. ما حكينا شي

بعتونا نصلي الجمعة.. قلنا ماشي الحال

أما تبعتونا نصلي الترويح كل يوم.. إيه هي ما بتظبط معنا بنوب

نكتة تشبيحية 19

شي عشرين شبيح التموا على مندس حمصي ونازلين فيه ضرب بالعصي..

حمصي تاني شافه من بعيد، صرخ فيه: ولك شو عم تستنى صاروا عشرين.. فجر حالك يالله

ما ضل ولا شبيح بالمنطقة كلها

نكتة تشبيحية 20

عسكري أخد إجازة طارئة كم يوم.. ولما رجع سأله الضابط تبعه:

لتكون شاركت بالمظاهرات ولاه ؟؟

قاله: لا والله.. ما شاركت

اكيد ولاه ؟؟

اكيد مية بالمية

قاله: طيب.. خد لي هدا النطلون عالخياط بسرعة

شو قول له؟

تكبير

قال له: الله أكبر.. الله أكبر

للأمانة الأدبية بعضها منقول بتصرف.. نرجو من كل من لديه نكة طريفة عن الشبيحة أو النبيحة أن يرسلها إلى بريد جحا الإلكتروني juhadamas@gmail.com

طاسة سخنة.. طاسة باردة

السياسة التركية اتجاه الوضع السوري سياسة غريبة حقيقة.. حيرت المراقبين، وحيرت الاتراك متل ما حيرت السوريين (من النظام للمتظاهرين ) وخلت كل مين يفهمها على كيفه.. من اللي قال: انها كانت حسابات انتخابية وانقلبت بعد الانتخابات.. واللي قال: انها من موقع طائفي بحت وهي اقرب للمتظاهرين.. واللي قال: مصالح اقتصادية وهي اقرب للنظام.. واللي قال: عم تنفذ الاجندة الامريكية للمنطقة.. واللي قال: بدها ترجع الامبراطورية العثمانية.. واللي.. واللي..

بصراحة انا كمان ما عم اقدر افهمها بس هي ذكرتني حقيقة بطريقة تغسيل الميت زمان لما ما كان فيه كل هدا التقدم الطبي والتكنولوجيا كانوا لما حدا –بعيد من هون- يموت ويجوا يغسلوه كانوا يبدو بطاسة مية كتير سخنة بعدها طاسة باردة مشان اذا كان بغيبوبة او مغمى عليه يصحى قبل ما يدفنوه وهو عايش

وهلق بعد تصريحات داود أغلو السخنة امبارح يا خوفي من الطاسة الباردة اللي بعدها

بدهم يتأكدوا انه متنا من جد مشان يوزعوا التركة بقى!!

هو صحيح رب العالمين وصى بالجار حتى ظن النبي (ص ) انه رح يورته بس بالنهاية ضل الجار جار والله ما كتب له شي من الورتة

والاهم انه نحن لسى عايشين يا جناب السلطان رجب طيب اردوغان

لسى عايشين

كيف تعالج السرطان بثلاث حبات

ترى سامحونا على الغلاظة وتقل الدم إمبارح وأول إمبارح، ترى هدا مو أنا

لاء.. لاء.. مو قصدي مو أنا يعني مو أنا، قصدي هدا أنا التاني.. أو أنا عالوش التاني.. يعني فيكم تقولوا: إني اتنين بواحد.. يعني يمكن – بعيد عنكم - عندي انفصام شخصية مزمن ويمكن لازم شوف لي  شي دكتور شاطر

إيه على ذكر الدكتور اتذكرت القصة: كان يا ما كان في قديم الزمان وسالف العصر والأوان: كان فيه ولد صغير فاشل.. بعدين صار طالب فاشل.. بعدين صار مراهق فاشل.. بعدين صار جامعي فاشل.. بعدين صار دكتور فاشل.. قرر تغير المسار.. وصار ضابط فاشل.. صار ولي عهد فاشل.. بعدين صار رئيس فاشل.. وظل رئيس فاشل..

بالحقيقة هو ما كان فاشل.. هو كان عبقري ومبدع بكل مراحل حياته.. بس ما كان عارف يعبر عن حاله.. يمكن لإنه بيقرط بكم حرف.. حتى يحكى انه بهداك الزمان طلع مطرب اسمه إبراهيم قاشوش قال له: يا... يا مندس، تضرب انت وحزب البعث، وروح ظبط حرف الإس.. ويحكى كمان انه الشبيحة بهداك الزمان قتلوه وقطعوا حنجرته ورموه بنهر العاصي

بلا طول سيرة.. فجأة هدا طلعت كل مواهبه دفعة واحدة واتذكر الطب والدكتارة ودمجها بالسياسة على شوية فلسفة على تناتيف تاريخ وطرطيش جغرافيا وكثور.. وتجلى الإبداع بتلات خطابات تاريخية لسى عم تتدرس لهلق بمجال علم السياسة بكل كليات وأكاديميات العالم (حتى أنه يحكى أنه في مين رشحه لمنصب مختار القرية الكونية وقتها)

بس مو هدا كل شي لإنه اهم انجاز إله على الصعيد العلمي والسياسي كان ابتكار ابداعي رهيب أخد فيه براءة إختراع دولية وشرحه بكتابه المهم اللي سماه (كيف تعالج السرطان في ثلاثة أيام وثلاث حبات فقط) مازالت مخطوطاته محتفظ بصور مايكروفيلم عنها في اهم المكتبات العالمية.. و رح ننقل لكم ملخص مكثف عنها

طريقة العلاج:

اليوم الأول: على الريق –يعني قبل الأكل والشرب- افتح تمك شوية صغيرة تناول الحبة الأولى وسماها (حبة قانون الأحزاب) سكر تمك بسرعة.. إبلع ريقك فورا.. بعد دقيقة بتشرب نص كاسة مية فاترة.. بعد دقيقتين نص كاسة مية باردة..

اليوم التاني: على الريق.. افتح تمك.. خود الحبة التانية (قانون الانتخابات) سكر بسرعة.. نص كاسة مية فاترة.. نص كاسة مية باردة

اليوم التالت: افتح.. حبة قانون الإعلام.. نص كاسة مية باردة وبعدين بتقول دعاء الشفاء (الله.. سورية.... وبس) تلات مرات.. وبعد تلات ساعات وتلات دقايق وتلات ثواني بتلاقي حالك متل الحما.. متل الحصان ما فيك شي حتى لو كان عندك تلات انواع مختلفة من السرطان

العلاج الداعم:

-          إذا سمعت مداخلة لطالب إبراهيم او شريف شحادة بعد كل حبة بيزيد مفعولها بنسبة 200%

-          إذا تابعت مواقع الشبيحة على الفيس بوك بتزيد نسبة الشفاء 100%

-          إذا ما اتفرجت إلا على قناة الدنيا طوال أيام العلاج بتزيد الفعالية 500%

-          إذا كنت من عملاء سيرياتيل بتاخد 50% فري

الأعراض الجانبية:

-          تلبك معوي خفيف

-          إسهال مؤقت

-          غازات

-          تخلف عقلي محتمل

-          جلطة مخية مؤكدة

الجيش السوري أزمة الماضي وعقدة المستقبل ح2

كنا قد استعرضنا في الحلقة السابقة أزمة الماضي لجيش بدأ تأسيسه على يد المستعمر، وكان صاحب أول تجربة انقلابية في الوطن العربي.. وحتى عام 1970 كان صاحب الرقم القياسي في عدد المحاولات الانقلابية الناجحة والفاشلة.. وساهم في صنع الوحدة، وساهم في صنع وتكريس الانفصال.. وكان أول جيش عربي يستخدم الدبابات في مواجهة شعبه.. واول جيش عربي يقصف مدنه.. واول جيش عربي يقتحم المساجد (وهذا ما لم تتجرأ عليه الدول الاستعمارية الأربع التي احتلت العالم الاسلامي قاطبة).. وكان في معظم مراحل تاريخ سورية مسيطرا على السلطة السياسية بشكل مباشر او غير مباشر.. وحتى بشار الأسد قد أصر والده أن يدخله من بوابة الجيش الى سدة السلطة

وفي نفس الوقت قد اوضحنا الوضع المزري الذي وصل اليه بسبب الفساد والعطالة وتسلط الاجهزة الامنية والتشكيلات الموازية وانهيار اسس المهنية العسكرية

في أحداث الأشهر الأخيرة في سورية بدا واضحا أن الجيش السوري هو أهم عامل في جملة المعادلات المعقدة بين صراعات الشعب والسلطة، الداخل والخارج، الاقليمي والدولي، السياسي والامني..

لقد حاول جميع الاطراف كسبه الى جانبهم، فالنظام اراده قوة ردع وقمع للحركة الاحتجاجية، والمتظاهرون بحت اصواتهم وهم ينادون: (حماة الديار عليكم سلام.. الشعب والجيش إيد واحدة.. ) وقدموا الزهور والحلوى والطعام والشراب لافراده في اكثر من منطقة ومدينة.. والغرب ألمح اكثر من مرة لتقصي إمكانية ان يقود الجيش او يضمن عملية انتقال آمن للسلطة.. او مرحلة انتقالية لاصلاح جذري.. وابدت بعض القوى الاقليمية تخوفها من مغامرة عسكرية غير محسوبة في ظل الفوضى، او من باب الهروب للامام..

وهذه هي بالضبط عقدة المستقبل. فوسط كل هذه التجاذبات يقف الجيش السوري بكل تناقضاته واثقال الماضي واعباء الحاضر وهاجس المستقبل يقف كعملاق برأس صغير عاجز عن التفكير والحركة باستثناء الاطراف العلوية التي تتحرك خبط عشواء بلا تركيز.. فلا النظام قادر على الاستفادة المرجوة منه، فلا هو جيش مدرب ولا دقة.. ولا تخطيط.. ولا وجود للمهنية او العقلية المؤسساتية.. فلا بيانات، ولا تصريحات، لا مؤتمرات صحفية، لا ناطق رسمي.. ولا وجود او ظهور لقيادة الاركان.. ولا مرجعية للاوامر.. لا معلومات عن الوحدات التي تتحرك او من يصدر اوامر التحرك.. كل ذلك من الطبيعي ان تكون نتيجته الفوضى والإشاعات والانشقاقات والأخطاء القاتلة التي كبدت الشعب السوري خسائر بشرية كبيرة وفي المقابل لم يحقق ما اراده النظام من اخماد جذوة الاحتجاج بل اججها أكثر

ولم تجد نداءات المتظاهرين للجيش، ولم تجد تسمية جمعة باسم حماة الديار صدى يذكر، فالجيش السوري ليس كالجيش المصري او التونسي من حيث البنية، والمهنية والانضباط والعقلية المؤسساتية.. فالانشقاقات التي تمت أوعصيان الاوامر لم تكن الا حالات فردية متكررة بدوافع مختلفة وليست نتاج قرارات جماعية ممنهجة..

لقد عجز الجيش ان يكون حاميا للوطن وعجز ان يكون حاميا للشعب والمجتمع، بل عجز حتى عن كف يديه من الولوغ في الدم السوري الحرام وعجز عن منع استخدام سلاحه ضد شعبه

كذلك يبدي عجزا في ترجمة الاشارات والتلميحات التي ترده للعب دور وسيط او ضامن او اي دور مهم.. ولم يبد اي رد فعل سلبي او ايجابي.. فردي او جماعي

وبالتأكيد انه غير قادر على خوض اي مغامرة محسوبة او انتحارية.. مع النظام او ضده.. فالعطالة اكبر بكثير من محفزات الحركة

هكذا تبدو عقدته عقدة صماء غير قابلة للحل.. فلا احد يستطيع تجاوزه او تجاهله، ولا احد يستطيع ان يستثمره اكثر مما تتيحه الظروف الموضوعية التي وضحناها سابقا، وتبدو كل الاحتمالات محفوفة بالمخاطر والمعضلات.. فلو انتصر النظام –لو كنت اظن ان هذا مستبعد- ستكون هناك معضلة ماهر الاسد وقادة الحرب، فهؤلاء الذين سيكون النظام مدين لهم بتثبيت حكمه لن يقبلوا ولن يقبل هو ان يبقى في الظل بعد ان تعود على امتلاك القرار، وفي نفس الوقت هؤلاء الذين تلوثت ايديهم بالدم و الجرائم سيكون من المستحيل قبولهم من المجتمع المحلي والدولي (نفس قضية حافظ ورفعت 1982 – 1984) وان تكن الظروف مختلفة ولن يكون حلها بالامر اليسير الذي تم سابقا

وفي حال انتصر الشعب واستطاع اسقاط النظام، فلن يكون من السهل تناسي الدور المخزي لجيش قد اقتطع باسمه اكثر من نصف الموازنات السورية ليكون لديه القدرة على حماية البلاد وتحرير الارض، ولم ينجح في كلتيهما بل ترك جبهتنا عارية لينتشر في المدن والقرى بدباباته ورشاشاته.. ولن تغيب عن المشهد جثث الشهداء وهواجس اللذين جرحوا واللذين اعتقلوا واللذين اهينوا على يديه..

في حال انتصر النظام ستكون أمامه معضلة الجيش الذي سيكون قد نجح فيما فشلت به الأجهزة الأمنية التي اعتمد عليها النظام طويلا ومن المستحيل بقائه على حاله فضلا عن مشكلات المنشقين والمتمردين والمتخلفين..

وإذا انتصر الشعب فلا يمكن حل الجيش أو تحيده أو اتخاذ اجراءات جذرية حياله بالسرعة المتوقعة لسبب بسيط هو أن سورية تقع في موضع استراتيجي من العالم لا يمكن تركه من القوى الدولية.. وفي موضع اقليمي خطير في قلب مثلث القوى الإقليمية المتصارعة إيران تركيا والكيان الصهيوني.. ولا يجب أن يغرر بنا السكون الذي يبديه الطرف الأخير الآن، ففي حال أنه أحس ببداية تشكل حالة وطنية ديمقراطية –بعد سقوط – سيكشف عن وجهه الحقيقي ولن نجد أي خيار مستبعد لديه.. كذلك إيران رغم تدخلها الكبير غير المباشر في دعم النظام فليس مستبعدا ان تزج بكل ثقلها لعدم خسارة حليف مهم وحتى لو سقط ستسعى بكل جهدها في عدم بناء استقرار في غير صالحها ولو حركت كل الخلايا النائمة في الداخل والعملاء على اليمين والشمال.. وينطبق ذلك على تركيا اذا ما أدت الفوضى في المرحلة الانتقالية لتهديد أمنها القومي..

إذن لابد من دور اساسي للجيش السوري في المرحلة القادمة وهنا الأزمة والعقدة.. أزمة تكوين وبنية وإرث من الفوضى والتمرد على السياسي من لحظة نشوئه حتى عام 1970 وأزمة دور وإرث من الخنوع والفساد والعطالة وافتقار المهنية منذ 1974 والآن  وفجأة يصبح مطلوب منه أن يلعب دورا أو أدوارا هو غير مهييء لها وتقف دونها جملة من عوامل ذاتية وموضوعية ليس من السهولة تجاوزها أو تذليلها

الجيش السوري أزمة الماضي وعقدة المستقبل ح1

اعتذر أولا لغيابي طوال الاسبوع الدامي الماضي، فكلما حاولت ان اكتب كان القلم يشعرني بالخذلان أمام هدير الدبابات والقذائف.. وعندما نجحت وجدت نفسي خارج جلدي.. واعتذر ثانيا عن استعارة هذا العنوان من اسم كتاب (حزب البعث أزمة الماضي وعقدة المستقبل) صدر آواخر الستينات او آوائل السبعينات.. ولكن حزب البعث – كما قال باتريك سيل في أخر مفالاته – قد أصبح قوقعة فارغة تتقاذفها الأمواج وتستدل منها  فقط على وجود كائن حي في قديم الزمان..

فلا شك أن حزب البعث في حالة موت سريري من عشرات السنين ولا يستطيع احياء الموتى غير الله.. وبعيد عن حصول معجزة فانه لن يكون لحزب البعث دور في مستقبل سورية.. لكن ذلك بالتأكيد لا ينطبق على الجيش السوري الذي من المستحيل تجاوز المرحلة الانتقالية دون مساهمة فعالة من الجيش الذي مرت منذ ايام ذكرى تأسيسه.. وهنا العقدة والأزمة معا فأزمة الماضي المرتبط بنشوء هذا الجيش على يد المستعمر الفرنسي الذي خطط لتكوينه من الأقليات المختلفة بالأخص الأرمن والشركس أولا ثم العلويين والدروز والاسماعليين.. إضافة لبعض الضباط من العائلات الكبيرة الدمشقية والحلبية المرتبطة به او المعتدلة اتجاهه.. وقد راعت ان تبقيه في حالة ضعف من حيث التسليح والتدريب.. ومن ثم كان عليه بعد 25 شهرا من الاستقلال أن يخوض تجربة مريرة في حرب 1948 التي كان تجرع كأس الهزيمة العسكرية فيها له طعم المرارة عند معظم الضباط في الجيش آنذاك وبمنطق التحوير وبتجاهل كامل للواقع تم رمي الجريرة على القيادة السياسية بالكامل.. وتبلور الحل في ذهنهم بالاستلاء على السلطة السياسية وخاض أربعة انقلابات في اقل من عامين.. لقد أثر ذلك على انضباط ومهنية هذا الجيش إلى الدرجة انه بعد سقوط الشيشكلي صاحب الانقلاب الاطول قد عجزت القيادة السياسية والكتل العسكرية المتباينة عن التوافق على رئيس للاركان الى درجة استجلاب ضابط لبناني اسمه شوكت شقير ليكون رئيس اركان الجيش السوري

وبعد انتخابات 1954 البرلمانية التي كان من المأمول أن تؤسس لحياة ديمقراطية سليمة بالأخص أنها جاءت بأول نائب شيوعي في العالم العربي وشهدت صعودا للأحزاب القومية وفي رأسها حزب البعث وقتها الذي استطاع ان يأخذ منصب رئيس البرلمان السوري للمرحوم اكرم الحوراني وبنفس الوقت حافظت على تواجد كل الطيف السياسي السوري..

لكن بكل أسف بدلا من تكريس التجربة الديمقراطية وبنتيجة هاجس الانقلابات والركون لقوة الجيش سعت الاحزاب قاطبة الى تشكيل كتل عسكرية من الضباط وصف الضباط.. ولم يستثنى من ذلك الاحزاب التي كانت توصف بانها تقدمية مثل حزب البعث والشيوعي..

وتدريجيا انتقل القرار السياسي من الدوائر المدنية ومن صفوف القيادات السياسية والاحزاب.. الى اطار الجيش والكتل العسكرية.. حتى وصلت لحد السيطرة الشاملة على القرار السياسي في العام 1958

وفوجئ عبد الناصر ذات ليلة بوصول وفد مكون من 36 ضابط من الجيش السوري دون سابق اعلام ليطلبوا مقابلة عاجلة معه.. والمفاجأة الاكبر كانت عندما طلبوا منه -باسم الشعب السوري- اعلان وحدة اندماجية فورا بين مصر وسورية.. وحتى محمود رياض الذي كان سفير مصر لدى سورية آنذاك -والذي كان يعمل ليل نهار من اجل بناء خطوة وحدوية ما مع سورية- قد فوجئ بوجودهم في مصر وباستدعائه على عجل لحضور اللقاء  وكانت المفاجأة الثانية لعبد الناصر عندما قال لهم بان ذلك غير ممكن بين حكومة ومجموعة من الضباط ويجب ان يكون الطلب من الحكومة او رئيس الجمهورية.. فكانت اجابتهم: سنجلب لك من تريد منهم باتصال هاتفي.. وكان سؤاله المفعم بالدهشة هل الحكومة لا تعلم بوجودهم في مصر؟!! فلم يستوعب رأس الضابط  السابق ابن المؤسسة العسكرية المصرية كيف يمكن لهذا العدد من قادة الجيش ان يخرج من البلد دون علم الحكومة!!

لقد ظل هذا الموقف عالقا في ذهنه حتى بعد حضور القيادة السياسية واعلان الوحدة، وقد طلب تقريرا مفصلا عن وضع الجيش السوري. وكان قاب قوسين أو أدنى من حل الجيش السوري بالكامل وإعادة بناءه من جديد.. ولكن خشيته من التأويلات غير حسنة النية اتجاه الوحدة اوقفته والاهم خوفه من ردة فعل من خطوة قد تقرأ كمساس بالكرامة الوطنية السورية التي كان يقدرها حق قدرها.. فحل الأحزاب السياسية الذي أصر عليه كشرط للوحدة كان مطبقا في الإقليم الجنوبي أيضا وذلك لا يمكن قياسه على وضع الجيش.. ولكنه بالمقابل اعتمد مشروعا  لتطهير الجيش تدريجيا وقد أوكل ذلك لاثنين من أخلص الرجال للوحدة (جاسم علوان، عبد الحميد السراج) وقد سار المشروع بقوة قبل تدخل المشير عامر والعميد ابو النور اللذان فشلا في التنبوء بالانقلاب الذي سيقضي على الوحدة ذاتها.. ومن ضباط الأقليات الذين تم إبعادهم إلى مصر في مشروع التطهير تشكل ما سمي بالمجلس العسكري (محمد عمران، صلاح جديد، حافظ الأسد، أحمد المير،..) الذي سيقوم بالاستلاء على السلطة بعد انقلاب 8 آذار 1963 وقبل هذا كان هناك محاولة انقلابية في مطلع نيسان 1962 نجحت في الاستيلاء على جزء من سورية ممتد من اللاذقية ألى حلب وأعلن من إذاعة حلب بيان إعادة الوحدة مع مصر وهو ما كاد يمزق سورية لولا مؤتمر حمص الذي اوجد حلا توافقيا هشا انهار بانقلاب آذار الذي انخرط في تصفيات دموية في صفوف الجيش بالأخص بعد المحاولة الانقلابية الفاشلة لجاسم علوان في تموز 1963 ولكن ذلك لم يجعل الجيش خاضعا للانضباط العسكري أو إعادته للمهنية العسكرية بل بالعكس فالترفيعات الاستثنائية التي منحت للمقربين لتعويض النقص في مستوى الضباط الذين تم تصفيتهم قد خلخل أهم ركائز العسكرية.. وفي نفس الوقت لم ينهي النزعات التصفوية والإنقلابية.. فتمت تصفيات دموية داخل المجلس العسكري نفسه.. وجاءت محاولة سليم حاطوم الانقلابية الفاشلة لتؤكد ذلك..

في هذه الظروف جاءت حرب 1967 التي هزم فيها الجيش هزيمة نكراء دون أن يتاح له فرصة القتال.. ولم يكن بالإمكان إلقاء اللوم على قيادة من السياسين فالعسكر كانوا قابضين على السلطة السياسية أيضا هذه المرة

بعد انقلاب حافظ الأسد في 16 تشرين الثاني 1970 اختلف الوضع تماما بالنسبة للجيش بالأخص بعد حرب 73 التي كانت أيضا فرصة له لتصفيات بعضها دموي (العميد الأبرش) وبعضها بصفة الترفيع والتحويل الى المناصب الادارية..

لقد قام الأسد وبحكم رهاب الانقلابات بعملية اخصاء الجيش.. فقد تولى بنفسه – وحتى اخر حياته – عملية ترفيع ونقل الضباط على اساس الولاء المطلق والشخصي.. وكل من بدى منه أي خلل كان مصيره التسريح او النقل او التنكيل.. وقد اخضع الانتساب للجيش والامن لمعاير شديدة التدقيق وعلى اسس طائفية ومناطقية تعتمد في الغالب على ابناء القرى والمدن النائية.. وفوق كل ذلك فقد اخضع لرقابة شاملة من قبل اجهزة امنية متنوعة من الأمن العسكري والمخابرات الجوية والشرطة العسكرية والأنكى أنه وضع في كل وحدة ضابط أمن سياسي بسلطة وصلاحيات تفوق قائد الوحدة أحيانا.. كما قام بإنشاء وحدات وفرق على أطراف الجيش غير خاضعة لقيادة الأركان مثل (سرايا الدفاع، سرايا الصراع، الوحدات الخاصة.. ثم الحرس الجمهوري) وقد نالت هذه التشكيلات كل الميزات والميزانيات للتدريب والتسلح على حساب باقي الجيش الذي رزح تحت وطأة البيروقراطية والرقابة الأمنية التي أوصلته إلى درجة مزرية.. ورأس الأمر الفساد الذي نخر عظامه من الداخل حتى اصبح هيكلا مفرغا.. وضياع الانضباط وصل حدا لم يستطع ان يحتمله بعض اخلص الضباط للاسد لا سيما في مرحلة تصعيد باسل الاسد ومن بعده بشار حيث كان من المفروض عليهم السمع والطاعة رغم فارق الرتب فآثروا أو أجبروا على التنحي.. وعلى طول الخط كانت الواسطة والمحسوبية أهم من التراتبية العسكرية التي هي أساس المهنية العسكرية.. والولاء للنظام فوق الولاء للوطن وهي عماد فكرة الجيش العقائدي التي جاء بها حافظ الأسد وثبتها في الدستور بديلا عن مفهوم الجيش الوطني.. لقد جعل ذلك الجيش السوري أقرب لمجموعة مليشيات خاصة  مهمتها حماية  امن النظام منه لجيش وطني مهمته حماية الشعب والوطن.. والأشهر الأخيرة كانت كاشفا لا ستر عليه

تلك كانت أزمة الماضي، فأين عقدة المستقبل؟؟

يتبع