"مع التنويه لانخفاض شديد في مستوى الضحك والفرح والتنكيك في الثورة
السورية.. وتدهور أسهم الانتاج الفني والأدبي والفكري.."
بأول أيام السنة الجديدة لازم نتفاءل ونرسم بسمة من بين أشلاء المآسي لأنه
ما ضل إلنا إلا الأمل والله.. ما إلنا غيرك يا الله.. فرج عنا يا الله
نكتة 1
بشار بيوم من الأيام فاق من النوم
بنص الليل مرعوب وعم يصرخ..
قالت له اسماء: خير شو باك ابو البيش؟
قال لها: شفت بالمنام كأني بحمص وفيه ناس كتير لاحقيني
قالت له: لا تخاف.. ورجع نام شكلك انت كنت غلطان.. انت كنت باللادقية وهدول
المنحبكجية كانوا راكدين وراك ليحملوك على اكتافهم
قال لها: بس أنا متأكد اني كنت بحمص
قالت له: وأنا متأكدة انك كنت باللادقية
قال لها: وانت شلون عرفتي اني كنت باللادقية؟!
قالت له: من البحر اللي صار تحت السرير.
نكتة 2
ماهر شاف بشار الصبح فقال له: إمبارح بالليل أنا وعم ازحف بالقصر سمعت
أصواتكم طالعة انت وأسماء خير شو في؟
قال له: هيك خناقة عائلية
وشو صار بالآخر؟
قال له: ما نمنا إلا بعد ما ركعت قدامي
وشو قالت لك لما ركعت ؟
"طلاع من تحت السرير يا جبان"
نكتة 3
الست أثماء سألت حافظ الصغير: بتعرف مين نيوتن وأنشتاين وباستور؟
قال لها: لاء.. مين هدول!؟
قالت له: لو كنت منتبه لدروسك كنت عرفتهم
قال لها: إنت بتعرفي مين لونة ولميس وهديل؟
قالت له: لاء مين هدول؟
قال لها: لو كنت منتبهة لجوزك كنت عرفتيهم
نكتة 4
واحد حمصي بعت رسالة ل "بان كيمون" بقول له فيها:
عمي أبو كمون أنا أبو عبده الحمصي بالأصالة عن نفسي وبالنيابة عن الشعب
الحمصي
منتأسّف.. ومنعتذرعن فشل هدنة الأخضر!
بس ممكن تجرب لنا لون تاني؟
نكتة 5
واحد شامي قال لواحد حمصي: نحن بأول يوم العيد منفطر تسقيّة، إنتوا شو
بتفطروا بالعيد؟؟
قال له: هدنة وبطيخ
نكتة 6
أم عبدو الحلبية سمعت أصوات قوية وبريق ضو.. صرخت على ابنها: ولك عبدو..
اطلع على البرندا شوف لي.. هدا أصوات انفجارات وإلا برق ورعد؟
قال لها: لاء ياموو هي انفجارات وشوية صواريخ..
قالت: الحمد لله.. والله فكرتها رح تمطّر وأنا ناشرة السجاد علىى السطح
نكتة 7
سألوا واحد حمصي: شو هي المشاعر المختلطة؟
قال لهم: وقت الجيش الحر بيكمش له قناص.. وبيشلفه من الطابق العاشر.. بيقوم
بيجي فوق سيارتك
نكتة 8
شو الفرق الجوهري
بين بشار والبطة؟؟
؟؟
؟؟
؟؟
؟؟
؟؟
؟؟
البطة طائر.. لكنه
لا يطير!
بشار حيوان.. لكنه
سوف يطيييرر
نكتة
حاجز أمني وقّف باص مدرسة
نزلت المشرفة وقالت للعسكري: هدا باص مدرسة ابتدائي، شو بدكم فيه؟!
قال لها: وإذا كان بدنا نفتشه
قالت له: ما فيه مشكلة.. بس إذا سمحت قبل ما تطلع عالباص إذا بتحط عالأسلحة
والقنابل على جنب مشان الأولاد ما يرتعبوا، هدول طلاب صف تاني
العسكري دفشها وطلع عالباص
لما شافه الأولاد، واحد منهم صرخ: تكبير
فكلهم بصوت واحد: الله أكبر
العسكري صارت رجليه بضهره
والمشرفة فرطت من الضحك
نكتة 10
واحد حمصي قال لرفيقه دريت شو في؟
قال له: لا والله.. قول لي: شو عندك؟
قال له: بعد سقوط النظام رح يساووا حمص عاصمة سورية
صرخ صاحبه: هيه.. هيه.. أخيرا رح نصير شوام
نكتة 11
شو آخر جملة قالها وليد المعلك قبل ما ينفجر؟؟
؟؟
؟؟
؟؟
؟؟
؟؟
أنا... مو برميييييل
نكتة 12
عملوا احصائية عالفيس بوك شو أكتر جملة مستخدمة عالصفحات؟
فاز بالمركز الثالث: عبارة thank you
فاز بالمركز التاني: عبارة: I love you
وبالمركز الاول: عبارة: يلعن روحك يا حافظ
نكتة 13
شو هنة الأربع كلمات اللي قالوهم سرية المهام الخاصة بالجيش الحر لبشار لما
نكشوه من مجاري القصر الجمهوري اللي متخبي فيها؟؟
؟؟
؟؟
؟؟
؟؟
؟؟
منحبك!!!
!!!
!!!
!!!
ومن الحب ما قتل
نكتة 14
واحد راح يتطوع بالجيش الحر.. فأمه
قعدت تدعي له قبل ما يمشي:
يا ابني الله يحميك.. ويسهلك ويوفقك.. ويسدد رميتك.. الله يعمي عنك..
ويبعد عنك أولاد الحرام
قال لها: إلا هي، أنا مين رايح
حارب لَكَن؟؟!
نكتة 15
واحد ماشي بالشارع عم يقول: يلعن روحك يا سمير.. يلعن روحك يا سمير ع
هالجحش اللي خلفته
هجم عليه واحد شبيح وصفقه كفين.. وقال له: كمان مو عارف اسم القائد
المناضل.. يا حيوان
نكتة16
واحد كتب على الحيط "بشار جحش" إجى الأمن اعتقله وحوله على محكمة
أمن الدولة.. والتهمة كانت إفشاء أسرار الدولة العسكرية
نكتة 17
بشار هو ووليد المعلك تنكروا ونزلوا يدروا شوية بالشوارع ليشوفوا الأمور
شلون صارت بالشام..
بعد شوية شافوا بصارى عم تنادي أنها بتكشف المستقبل وبتعرف المخبى
بشار قال له: ولك وليد نادي لنا هالبصارى لتشوف لنا مستقبلنا وتشوف لنا شو
آخرتها هالثورة
قال له: هلق مو وقتها معلم.. بركي كشفونا الجيش الحر.. والله بيساونا كباب
حلبي أو بسطرمة حموية يا أورما حمصية
قال له: كلها عشر دقائق.. رح نجربها بسؤال إذا ما عرفت منحلق لها.. وإذا
ظبطت معها منكمل
إجت البصارى وقالت لهم: بيضوا الفال
اول رمية ودع.. قالت له: انت شكلك يا مدير.. يا كبير مدراء يا أما رئيس
بشار نكش المعلك.. ووشوشوا: شفت هي اللي رح يكون عندها النتيجة.. قول لها
تشف لنا المستقبل
قالت لهم بدكم المستقبل بالودع ب 2000 والا بالقهوة ب 5000
قال لها: خليها بالقهوة شكلها أحسن
كشفت الفنجان.. وقالت له: مستقبلك أسود.. ومحاصر من كل الجهات..
بشار صفرن.. والمعلك انقطع حيله..
قالت له كمان: انت واقع بطابوسة كبيرة.. وغميقة.. وعم تمد إيدك ما حدى عم
ينقذك منها.. وما قدمك منفد منها غير طريق صغير متعرج متل كأنه دهليز.. وموصل
بأخره لعند طيارة
قال لها بشار: شوفي لنا هالطيارة متجهة للشرق والا للغرب دخيلك
المعلك نكشه وقال له: خلينا نهرب بسرعة معلم وخلصت
البصارى قالت لهم: مو باين معي اتجاه الطيارة! بس فيه مشكلة؟ على جنب
الدهليز فيه تلات جنود سود من طرف وتلات جنود بيض من الطرف التاني متل كأنهم
ناصبين كمين.. وشكله ما إلك منفد.. ويا إما بتروح فعص.. يا بتروح معس انت ونصيبك
بقى
بشار عصب، وشلح الزي التنكري تبعه وقال لها: أنا بشار وليك.. وبدي اخرب بيتك
البصارى كمان عصبت شلحت الخمار وطلعت رجال متنكر كمان.. وقال له: إيه خ..
عليك وعلى اليوم اللي اتحالفنا فيه معك.. خغبت بيتك.. وما غح تحل لتخغب بيتنا معك
كمان يا ابن الكلب
ويلعن غوحك يا حافظ
نكتة 18
واحد منحبكجي اتعرف على وحدة منحبكجية بمظاهرة طيارة وحبها وحبته
وصار بينهم علاقة
وبيوم من الأيام قالت له: فهمنا بقى إمتى بدك تجي تخطبني من أهلي؟
قال لها: بس ان شا الله لما ينصر سيادته وتخلص الأزمة
قالت له: يا كلب.. يا ابن الحرام.. قول من الاول انك مو ناوي على الزواج
نكتة
واحد منحبكجي كانت معلّقة معه كلمة خلصت ومقتنع فيها تمام
بس مرته كانت "جدعة" وكل ما قال: كلمة خلصت تفش له نيعه
وبيوم من الأيام فاتت لعنده عالصالون وقالت له: قنينة الغاز!
قال لها: شو بها؟
قالت له: خلصت
صرخ: أخيرا قلت هالكلمة بعضمة لسانك.. فشيت قلبي
نكتة 20
كل الناس كانوا قاعدين عم ينتظروا راس السنة
إلا السوريين كانوا عم ينتظروا راس
بشار
وخلصت!!!
!!!
!!!
السنة
